Transcription
1
Coppie de lettre escripte par messieurs de
2
la cour à monsieur de Gargas
3
Monsieur, nous avons veu ce que nous avez escript touchant
4
la recherche que font à votre endroict ceulx qui se sont eslevés
5
contre sa majesté pour le regard de certaines pièces dartilherye
6
quilz vous demandent par achept ou autrement, à quoy
7
nous vous respondrons que le degré et ranc que tenés
8
en ce reaulme, voz actions precedentes et la grande fidelité
9
et affection quavons consneu en vous durant tout ces
10
troubles, nous asseurent assés en la responce que ferés
11
à la demande insciville sur laquelle navez besoing
12
daultre conseil que de celluy que est fondé sur votre
13
vertu ; et au surplus en ce que desireriez estre augmenté
14
de quelques forces pour la garde de Ventavon, vous
15
scavez que cella depend proprement de la charge de
16
monsieur de Gordes, lequel nous scavons veritablement
17
vous estimer et aymer tant, quil vous accordera tousjours
18
toutes choses raisonnables. Et sur ce après nous
19
estre affectueusement recommandé à votre bonne grace,
20
prierons le Createur
21
monsieur vous donner en santé longue et heureuse vye.
22
De Grenoble, ce VIIIe fevrier 1574
23
Voz bons amys les gens tenans la cour de parlement
24
du Daulphiné. Fustier